Текст песни Hans Söllner - Heimatlied - Ein Lied für Berchtesgarten

Die schönste Gegend hier in Bayern auf der ganzen Welt bekannt,
is wia a jeder woas s’Berchtesgardner Land.
An Haufen Natur, de Berge rundrum.
Kristallklares Wasser und d’Leit san saudumm.
Kristallklares Wasser und d’Leit san saudumm.

Do wochst nu a Enzian do siaght ma nu a Reh.
A wenns zamgfahrn in da Strssn flackt, trotzdem is schee.
De Bleamen, wennsd Glück host dann findst nu a paar.
An Rest verkaufts Bleamegschäft drinn in da Stod.
An Rest verkaufts Bleamegschäft drinn in da Stod.

Do keman d’Kinder mit Lederhosn und Bierbauch aufd Weilt.
Von Anfang an lernans die Bayern san bled.
Und wenns das net bist dann werst das,
wos soin denn d’leit dazua sogn,
Wenns extra noch Bayern kemman und kane Deppen um sich hom?
Wenns extra noch Bayern kemman und kane Deppen um sich hom?

Am Samstag auf’d Nocht Heimatabend beim Wirt.
Fia 15 Mark Eintritt do wast wos da bliaht.
Do werd plattlt und hergfotzt uns Dirndl hochghobn.
Von Mai bis Oktober hom de Berchtsgardner Saison.
Von Mai bis Oktober hom de Berchtsgardner Saison.

Oba da Himmi is schwarz und net blau wie a gheart.
Und s’Gros wochst a bloß weil’s gscheit Kunstdüngert werd.
De Ferkln und d’Kia kriagn Hormone eingspritzt.
Wir hom’s Hirn in die Oberarm und worauf i grod sitz.
Wir hom’s Hirn in die Oberarm und worauf i grod sitz.

Olle renans mit einzogene Kepf ummanand.
Nach am ganz grossen Vorbild Franz Josef genannt.
Nach der Aussproch und de Gesten nehmans fü von erm an.
Weil a Bayer blos vo am Bayern wos gscheits lerna kann.
Weil a Bayer blos vo am Bayern wos gscheits lerna kann.

Trotz allem i steh zu der Rass wo i highear.
A wenn i nix siegh nix merk und nix hear.
I gib d’Hoffnung net auf das da letzte Moi spannt.
Ois kannst vakaffa blos d’Leit net und s’Land.
Ois kannst vakaffa blos d’Leit net und s’Land.